Официјално, македонскиот репрезентативец и сега веќе поранешен член на актуелниот светски клупски шампион премина на Позајмица во Наполи.
Во текот на денешниот ден Интер го изгуби Пандев но најверојатно, како што пренесува Газета дело Спорт ги ангажираше Паласио и Куцка во своите редови.
Ќе ве известиме како се одвиваа настаните од 15 часот и 40 минути до сега, кога преминот на Пандев во Наполи се официјализираше и кога во меѓувреме се преговараше и за Куцка и Паласио.
15.40 - Интер активно работеа во текот на попладневните часови преговарајќи со Џенова за Куцка и Паласио, но во меѓувреме како што информираше Gazetta.it, и Пандев бил дел од преговорите но не помеѓу Џенова и Интер туку помеѓу Наполи и Интер каде се дискутираше за можно давање на Пандев во Наполи, во тие моменти не беше сигурно дали се работи за позајмица или за целосно откупување на нашиот репрезентативец.
15.55 - Интер имаат значаен напредок во преговорите за Куцка и Паласио, работите се движат во корист на Интер, официјалната понуда за Куцка се 5 милиони евра плус половина од сопственоста за Вивијано, станува збор за 50% сосптвеснот на Куцка со тоа што овој пат нема да остане во Џенова туку ќе дојде во Интер.
За Паласио пак се споменува прво позајмица со право да се откупи наредната сезона.
16.03 - Во овие моменти пристигна Рикардо Биџон, спортскиот директор на Наполи, заедно со неговиот соработник, Мичели. Причината е Горан Пандев, кој со неговиот агент се наоѓаше на Виторио Емануеле.
16.16 - Според Кориере дело Спорт, Пандев ќе замине во Наполи на позајмица.
16.20 - Експертот за трансфери, Ди Марцио, говори дека во скоро време се очекува епилог од преговорите помеѓу Интер и Наполи за Пандев.
16.51 - Преговорите продолжуваат, во меѓувреме се чека одговор и од Џенова за Паласио и Куцка.
17.04 - Дојдоа и првите детали од преговорите помеѓу Интер и Наполи за Пандев. Според Спортмедијасет, се работи за позајмица, Наполи ќе платат 1.5 милиони евра за истото а наредната сезона ќе се преговара и за перманентен престој во Неапол.
17.06 - Спортскиот директор на Интер, Марко Бранка, дава изјава за преговорите со Наполи, '' Ќе има новости наскоро, можен е договор со Наполи''.
Скај Италија информираат дека скоро се е договорено и мали детали недостигаат за да преминот на Пандев во Наполи се официјализира, дефинитивно станува збор за позајмица.
17.13 - И Кориере Дело Спорт објавува, Пандев заминува во Неапол. Во текот на денешниот ден преминот ќе се официјализира, станува збор за позајмица.
17.25 - Според Скај Спорт, недостигаат мали детали за преминот на Пандев во Наполи.
Новост е што Интер ќе плаќа дел од платата на Пандев на Наполи во текот на овој период додека е позајмен. Не е прецизирана сума за откуп на македонецот, па тоа е оставено во текот на наредната година да се преговара доколку Наполи сакаат да го задржат во своите редови.
17.40 - Извори од Франција велат дека можно е Коутињо да замине во Лион на позајмица. Интерес за него има и од Бенфика и Атлетико Мадрид, сега за сега шпекулациите налагаат само позајмување а не и продажба, како и да е, ништо конкретно до овие моменти.
17.55 - Газета дело Спорт ја потврдува информацијата на Скај, Пандев на позајмица во Наполи за 1.5 милиони евра.
18.02 - Онлајн изданието на Газета дело Спорт објавува дека Јурај Куцка и Паласио ќе бидат играчи на Интер, тимовите се договорени.
18.20 - Според новинската агенција ANSA, Интер овие преговори со Наполи ќе ги искористи за обид да го ангажираат Лавеци, формулата ќе биде слична како и онаа за Пандев, прво позајмица па купување на играчот.
18.40 - ОФИЦИЈАЛНО, ГОРАН ПАНДЕВ Е ИГРАЧ НА НАПОЛИ.
Ја пренесуваме неговата изјава, ''Не сакав да го напуштам Интер но среќен сум што одам во сериозен тим кој настапува во Лигата на Шампионите. Не ги знам деталите од договорот ниту пак сум разговарал со новите соиграчи, разговарав само со Биџон и се надевам дека ќе успеам во новата средина. Незнам дали во текот на утрешниот ден ќе заминам за Неапол, она што е важно е дека сум среќен, а знам дека и Наполи се задоволни. ''
18.48 - Излезе и сликата помеѓу Биџон и Пандев, како играчот става потпис на договорот, сликата е поставена и на насловот од оваа статија.
19.05 - Се чека пресот на претседателот на Наполи каде ќе се говори за агнажманот на Пандев. Во меѓувреме Интер чека одговор од Џенова за Паласио и Куцка.
19.10 - СтудиоСпорт исто така известуваат дека Интер се блиску до ангажманот на дуото од Џенова и за заминувањето на Вивијано во спротивен правец.
19.20 - Започната е финална фаза од преговорите помеѓу Интер и Џенова. Според Скај со заминувањето на Пандев ангажманот на Паласио сигурно ќе се реализира, проблем е фактот што Интер прво сака да го позајми па потоа да плаќа за него доколку сакаат да го задржат во тимот и наредната година.
Наводно оваа понуда не одговара за Џенова кои сакаат пари со кои би можеле веднаш да го ангажираат Џиладрино од Фиорентина, се шпекулира за сума од 10 милиони евра.
Тешкотии има и за ангажманот на Куцка, ова е играч кој е цел на Гасперини но Малесани нема намера да се откаже од неговите услуги, понудата за него останува иста, спомената погоре во текстот.
19.37 - Потврда стигна од Наполи, од претседателот на клубот Де Лаурентис кој изјави '' По вчерашната ждрепка за групната фаза во Лигата на Шампионите решивме да го побараме Пандев од Интер, ова сабајле се слушнав со претседателот на тимот и го побарав играчот на позајмица и за многу кратко време се' беше договорено, тоа беше џентлменски. ''
19.50 - Пандев ќе биде официјално претставен и сликан со новиот дрес во текот на утрешниот ден, изјава на Де Лаурентис
-
|2011-08-30 03:16:02 donGOCE - Panev-Good LaockVo sekoj slucaj Odlicno za Pandev,barev ke odi tamu kaj sto go cenat,a sto ne bese slucaj vo Inter,pokraj navalata na mladi igraci gladni za dokazuvanje.Ali vremeto ke pokaze.Realno Pandev ne se dokaza vo Inter,medjutoa vo Napoli kaj sto go cenat,ke pokaze sto znae,da "rastura" SO SREKA SAMPIONE!!!!!!!!!!!!!!!!!!!
-
|2011-08-27 16:54:14 CrossВремето ќе покаже дали со овие ‘‘засилувања‘‘ ќе се постигне добра,тимска и квалитетна игра .
-
|2011-08-27 01:52:47 edvaka e podobro i za inter i za pandev ..pandev ke ima pogolema minutaza i podobro ke se dokaze vo poslaba kon***encija aa inter ke se zasili ! FORZA INTER ! a tie sto ne znaat koj se palacio u kucka ke im pozajmam pistol da se ubijat :)))
-
|2011-08-27 00:07:13 inter - interАнонимен пишувал:A koj e ovoj Palacio? Ozbilno prasuvam.
ZVER . OVA E NAJBOLJI KOMENTAR STO SUM GO PROCITAL . ALAL DA TI E BATO ME RASPOLOZI NA CELA MUKA . TOP TOP TOP.
A KOJ E TOJ PALACIO :D :D
-
|2011-08-26 22:15:54 joveko - Pocetok na krajotVo e pocetok na krajot na Inter tolku pregovori za Palasio i Kucka cinis koj znaj sto igraci zede Inter. Pa dali e normalen ovaj Morati, ako veke se zasiluva zasilise so igraci od svetska klasa a ne nekoj anonimusi. Ama zdelka go dadoa koriot za do gozemat slepiot.
!joomlacomment 4.0 Copyright (C) 2009 Compojoom.com . All rights reserved."
| < Пред | Следно > |
|---|
