За време на ручекот во текот на вчерашниот ден, Зарате пратил кратка порака до неговиот агент Боцо во моменти кога Интер преговарале со Џенова за Паласио. Во тој момент Зарате ја одбил Џенова.
''За да станам играч на Интер подготвен сум и да загубам пари,'' гласела кратката порака која Зарате ја пратил на Боцо, порака која била причина за контактот помеѓу неговиот агент и Морати, тоа било клучен момент во вчерашните комплицирани разговори. ''Конечно играч кој не мисли само на неговата плата ...'', сигурно ова била првата мисла на претседателот на Интер.
Неколку часа подоцна Зарате букирал лет за Милано, но мора да се напомене дека и Презиоси, претседателот на Џенова, имал удел за овој трансфер.
Причина за ова е што по одбивањето на Зарате да игра за Џенова, Презиоси бил тој кој исконтактирал со Лотито за да го даде приватниот број на Морати со што се креирале услови за трансферот на Зарате во Интер со кој сите биле задоволни.
Интер се обврзани да платат 2.7 милиони евра за позајмување на Зарате и 15.5 милиони евра наредното лето доколку сакаат овој играч да остане во тимот, треба да се напомене дека Интер не се обврзани тоа да го направат, од друга страна Презиоси не бил во можност да купи нов играч па останал задоволен со фактот дека Паласио ќе остане, играч кој најверојатно ќе добие и нов договор, од друга страна, и Лотито треба да биде задоволен а причина за тоа се лошите односи помеѓу Реја и Зарате, се шпекулираше дека можно е Зарате да го снајде истата судбина како и онаа на Пандев во првиот дел од сезоната 2009-2010, пред да пристигне во Интер.
| < Пред | Следно > |
|---|
