Андре Вилаш Боаш е еден од најсериозните кандидати за местото на Клаудио Раниери, кој повеќе од сигурно е дека по завршувањето на сезоната ќе си замине од клупата на нераѕурите. Масимо Морати многу пати најави дека од наредната сезона, ќе гледаме нов Интер, секако, индиректно најавувајќи со нов предводник на клупата.
33 годишниот кормилар на Челзи уште ова лето беше поврзуван со доаѓање на Џузепе Меаца, но откупната клаузула од 15 милиони евра беше превисока за Интер и Морати. Талентираниот тренер, кој многумина го нарекуваат наследникот на Мурињо, замина на Стемфорд Бриџ ова лето, но не се прослави досега, заостанувајќи со 14 поени зад лидерот Манчестер Сити во англиската Премиер лига, а целта на Челзи оваа сезона е само четвртото место.
Поради неуспехот на Боаш на клупата на Челзи, веќе произлегоа шпекулации дека Роман Абрамович посакува да го врати Жозе Мурињо на клупата на лондонскиот премиерлигаш. Англиските медиуми веќе излегоа со шпекулации за средба помеѓу агентот на Мурињо и Абрамович, договорајќи ги сите детали околу евентуалното враќање на „специјалниот“ во Лондон. Мурињо веќе неколку пати најави дека ќе се врати во Англија, а бидејќи е на добар пат со Реал Мадрид да стигне до титулата во Шпанија, неговата цел за освојување на титулите во трите најдобри лиги ќе биде веќе зацртана.
Евентуалниот таков расплет би значело дека Боаш ќе остане без работа, а Масимо Морати веќе го бара наследникот на Раниери со кого би се започнала новата ера во Интер. Италијанските и англиските медиуми веќе започнаа во предвидувањето на судбината на Боаш, па како негова следна дестинација сите ја предвидуваат клупата на Интер. Претседателот најави дека тимот ќе биде целосно реконструиран и креиран на долгорочна основа. Секако, истото подразбира тренерско име на долги „патеки“, а како најсериозни имиња се наметнуваат Гвардиола, Боаш и помалку веројатно - Жозе Мурињо.
Досега, се чини дека првите двајца се во предност бидејќи и Гвардиола и Боаш имаат неизвесна иднина поврзана со наредната сезона. За разлика од Боаш каде што постои притисок од добри резултати и конкуренција од надвор, Гвардиола неколку пати во минатото најави дека ќе си замине од Барселона бидејќи долгото останување на клупата на каталонскиот тим ќе ги засити и него и неговите играчи.
За разлика од нив, Мурињо потенцираше неколку пати дека Англија е земјата каде што сака да продолжи со својата работа, бидејќи притисокот на медиумите во поглед на неговата работа е далеку помал отколку во Шпанија, а неспоредлив со Италија.
Крајот на сезоната сеуште не е на повидок и очекувано е жешки шпекулации како овие постојано да се поврзуваат со клупата на Интер, бидејќи повеќе од јасно е дека Раниери не е тип на тренер кој му одговара на Интер и Морати.
-
|2012-02-11 14:41:02 bruno - ...KRSTE SERKO EDEN !!! Sekoj si ima pravo da pise svoe mislenje, ne pisuvaj gluposti i me zaboli K*R mene za koj si... Ovaa strana e za ostavanje komentari ,sekoj da si kaze sto misli, a ti ne si toj sto treba da kazuvas koj sto treba da pisuva.. FORZA INTER
-
|2012-02-09 20:33:57 krste - :Da GOMNAAAAA timot e na morati ne e vas so saka ne pravi nikoj ne ve prasuva za mislenja da bevte dobri ke rabotevte tamu i aj ne izgravajte kriticari slab e inter i sto pa neka e jas sum pak za nego U DOBRO I U ZLU INTER UVEK U SRCU!!!!
-
|2012-02-09 20:22:48 inter vo srcemoze morati da proba da go donese gvardiola za trener a ako ne uspee togas moze ili kapelo ili kako posledna alternativa boas
!joomlacomment 4.0 Copyright (C) 2009 Compojoom.com . All rights reserved."
| < Пред | Следно > |
|---|
