Раниери без Алварез и Снајдер, ќе се потпре на формацијата која до пред две кола му носеше резултат и три бодови. Предност пред Поли ќе добие новото засилување Паломбо кој ќе игра централно со Камбиасо, а Занети и Оби ќе бидат по крилните позиции во средината од теренот во формацијата 4-4-2.
По неверојатните четири гола на Милито, но и четирите гола во мрежата на Жулио Цезар, Клаудио Раниери објасни дека Интер треба да поработи на одбраната, но додаде дека денешниот натпревар е вистинска реклама за италијанскиот фудбал.
Милито феноменален. 4 голови во еден натпревар, заслужува највисоки оценки. Но, тоа што го красеше Интер последниве години, вечерва потрфрли. Тоа е одбраната. Интер прими дури 4 голови, и покрај 4те постигнати, не успеа да победи.