Интер уште во Турција го обезбеди првото место во групата, а утрешниот натпревар против ЦСКА ќе биде добра можност за докажување на младите играчи, но и за започнување на победничка серија која ќе ги врати нераѕурите во „живот“. Истото, го очекува и Раниери кој најави дека тешкиот период е зад Интер.
„Потребни ни се одговори на мене, на клубот и на фановите,“ - беа првите зборови на тренерот на Интер. „Ја оплескавме во саботата. Убеден бев дека ќе одиграме добро и дека ќе победиме, но тоа не беше случајот. Како и да е, работиме напорно, дури уште понапорно од претходно и знам дека набрзо овој период ќе биде зад нас.“
„Дали се слушнав со Морати? Не, но знам дека ова е тешка година за Интер и дека не е лесно од стартот на сезоната, но ние ќе го пребродиме ова.“
Натпреварот со ЦСКА беше она за што продолжи да зборува Раниери во продолжение.
„Можеби утрешниот натпревар се чини како не важен, но за мене и тоа како е важен. Кога пристигнав тука имавме нула поени и се боревме за продолжување понатаму, а откако победивме неколку натпревари во серија, стигнавме до првото место додека останатите се борат за второто место и место во Лига Европа,“ - продолжи Раниери. „Победа утре ќе донесе многу пари во касата на клубот, но исто така ќе го одржиме високиот рејтинг во УЕФА.“
„Зборував со момците денес и истото им го кажав и нив. Имаме голема причина за да излеземе мотивирани на ваков натпревар. Натпреварот со Удинезе треба да биде заборавен, без разлика дали заслужено или незаслужено изгубивме. Она што не сакам да го видам е нереагирањето на играчите по таков пораз.“
„Трансфер пазарот? Никогаш не зборувам на таа тема бидејќи може да биде контрапродуктивно. Доколку ме прашате за некој играч, знаете дека ќе ви одговорам дека тој е добар играч. Јас сум фокусиран само на утрешниот натпревар.“ - заврши Италијанецот.
| < Пред | Следно > |
|---|
