Интер со пораз ја заврши групната фаза од Лигата на шампионите, но сепак успеа да го обезбеди првото место во групата по пауза од пет години. По натпреварот со ЦСКА, Раниери изрази задоволство од играта и карактерот на своите играчи, но додаде дека среќата не била наклонета на нивна страна оваа вечер.
„Обезбедивме пласман понатаму порано и тоа е она што ме прави среќен,“ - истакна Раниери. „Оваа вечер создадовме пет или шест шанси за гол, а јас не можев повеќе да барам од играчите, бидејќи тие реагираа и сакаа да победат, но среќата не беше на нашата страна.“
„Кога топката не сака да влезе, треба да почекаме, порано или подоцна среќата ќе не послужи.“
Запрашан дали е задоволен од играта, тој одговори: „Имаме многу прашалници, но јас не сум незадоволен од денешниот натпревар. Многу играчи добија шанса да стекнат искуство и сите тие сакаа да победат вечерва. Не можам да кажам дека тие ме изневерија бидејќи излегоа на теренот онака како што посакував.“
„Милито? Понекогаш и најдобрите напаѓачи знаат да промашат такво нешто.“ - беа последните зборови на Раниери.
| < Пред | Следно > |
|---|
