Перфектна и елегантна претстава на Интер против Парма вечерва на „Џузепе Меаца“. Гостите си заминаа со 5 парчиња во својата мрежа, а Интер одморен и со зголемена самодоверба ќе го дочека дербито со Милан.
Очигледно беше дека одморот влијаел позитивно на Неразурите. Лесно ги градеа акциите и го префрлаа тежиштето на играта пред голот на Парма. Најрасположен на почетокот беше Рики Алварез кој си поигруваше со гостинските фудбалери, а во 13 минута испрати одличен центаршут до Милито кој реагираше како Принцот од најдобрите времиња и ја смести топката во мрежата.
Пет минути подоцна Тиаго Мота натрча на една топка надвор од шеснаесетникот и испрати топовски удар во долниот десен агол, за сигурна предност од 2-0.
Водството им даде крила на домашните кои не запираа со нападите а во 41 минута Маикон од десната страна го погоди Милито кој го постигна вториот гол, овој пат со глава.
Зошто Милито ќе биде човек на мечот потврди во 55 минута кога упати прекрасна асистенција до Пацини, а овој елегантно ја смести топката зад голманот Миранте.
И како да не беше доволно за презадоволната публика на Меаца и крај малите екрани, нововлезениот Марко Давиде Фараони во 79 минута постигна спектакуларен погодок - топката заврши преку голманот Миранте под пречката.
Момент кој ќе остане запаметен од овој натпревар е ништо помалку спектакуларниот автогол на капитенот Занети кој најпрво беше поздравен со аплауз и насмевки од навивачите, за брзо потоа судијата да го поништи поради офсајд. Капитенот е голем: добива овации и за автогол!
Видео со головите од натпреварот ќе следи подоцна.
-
|2012-01-11 06:55:57 ferragamo outlet onlineThe ferragamo coats are hot in winter. These ferragamo outlet coats are elegant and beautiful. You can shop them at ferragamo outlet online shops.
-
|2012-01-08 15:52:51 alek - bravo!znaci alvarez e zver!!! ekipava za godina dve kje gazi!!! alvarez, kutinjo, poli, faraoni, ranokia kakva ekipa e samo toa, ne ni treba tevez, samo kje ni ja usere ekipata. forza inter!!!
!joomlacomment 4.0 Copyright (C) 2009 Compojoom.com . All rights reserved."
| < Пред | Следно > |
|---|
