Интер успеа да стигне до седмата победа по ред во Сериа А, или осмата се на се заедно со онаа против Џенова оваа недела, благодарение на пресвртот со головите на Милито и Пацини, откако претходно Томазо Роки ги донесе гостите во водство.
Раниери излезе со неочекуваната 4-4-2 формација, иако претходно 4-3-1-2 донесе стабилизација во играта и неколку победи во низа. Нагатомо беше прекомандуван на десната крилна позиција, додека Алварез започна како лево крило со поголема слобода во движењето.
Интер започна без никаква иницијатива или шанса за гол, со многу грешки во додавањата во средината. Првата шанса ја имаше Томазо Роки кој ја погоди стативата, но 10 минути подоцна, успеа одлично да се снајде и да го совлада Цезар по додавањето од Ледезма.
По примениот гол, Алварез премина во средината, додека Нагатомо ја промени страната, што донесе блага иницијатива. Алварез имаше удар од далечина на десетина минути пред крајот на полувремето, а Интер својата прва шанса ја претвори во гол, откако Алварез и Милито одлично проиграа, „ил принчипе“ успеа со лева да го совлада Маркети.
Во второто полувреме, двојна замена уште на стартот. Снајдер на местото на Алварез и Оби на местото на Киву. Интер имаше поголем дел од играта, „билдајќи“ го поседот, но без посериозна шанса. Вториот гол, голот за водство дојде како подарок од дефанзивната стоперска двојка на Лацио, кои несмасно реагираа, а Пацини успеа да го собере „подарокот“ и да го лобува Маркети. 2:1 за Интер.
Веднаш потоа, Снајдер имаше обид од далечина, но Маркети успеа да одбрани. По неколку минути, шанса за Снајдер од слободен удар, но Холанѓанецот биеше за малку над пречката. Реа го внесе Сисе, кој создаде шанса во продолжението за израмнување, но Цезар одлично реагираше. До крајот, Интер се повлече на својата половина, а Раниери го внесе Фараони на местото на Милито.
Нова победа на Интер со која што нераѕурите се искачија на четвртата позиција во италијанската лига. Во наредното коло, следува дуелот со Лече, додека Јувентус и Удинезе кои што се наоѓаат пред Интер имаат меѓусебен дуел, што е добра можност за дополнително приближување кон водечките.
| < Пред | Следно > |
|---|
